காஞ்சிபுரம்:காஞ்சிபுரம் பிள்ளையார்பாளையம், புதுப்பாளையம் தெருவில், கருக்கினில் அமர்ந்தவள் அம்மனுக்கு 15வது ஆண்டு ஆடித் திருவிழா நேற்று நடந்தது.

காஞ்சிபுரம் சங்குபாணி விநாயகர் கோவில் தெருவில் உள்ள கோயிலாத்தம்மனுக்கு 61ம் ஆண்டு கூழ்வார்த்தல் விழாவையொட்டி, நேற்று முன்தினம் இரவு 8:00 மணிக்கு அம்மன் வீதியுலாவும், நேற்று, மதியம் 1:30 மணிக்கு அம்மனுக்கு கூழ்வார்த்தல் நடந்தது. பக்தர்கள் அலகு குத்தி நேர்த்திக்கடன் செலுத்தினர்.

மாலை 6:00 மணிக்கு ஊரணி பொங்கல் விழாவும், இரவு 8:00 மணிக்கு கும்பம் படையலிடப்பட்டு, அம்மன் வர்ணிப்பும் நடந்தது.

காஞ்சிபுரம் ஏகாம்பரநாதர் சன்னிதி தெரு, சந்தவெளி அம்மன் ஆடி மாதம் 18ம் நாளையொட்டி, காவேரி அம்மன் அலங்காரத்தில் அருள்பாலித்தார்.

காஞ்சிபுரம் சந்தவெளி அம்மன் கோவிலில் பக்தர்கள் கூழ்வார்த்தும், கும்பம் படையலிட்டும் அம்மனை வழிபட்டனர்.