வாலாஜாபாத்,

வாலாஜாபாத் ராஜவீதி வழியாக, செங்கல்பட்டு செல்லும் சாலையில், தனியார் வீட்டுமனை பிரிவு உள்ளது. அதன் அருகே, ஒற்றை மின்கம்பத்தில், மின்மாற்றி பொருத்தப்பட்டு உள்ளது.

இந்த மின்மாற்றியை சுற்றிலும், மின்வாரிய அதிகாரிகள் போதிய பாதுகாப்பு ஏற்பாடுகளை செய்யவில்லை. இதனால், மின்மாற்றி அருகே, சிறுவர் - சிறுமியர் ஆபத்தை உணராமல், மின்கம்பத்தின் மீது ஏறி விளையாடி வருகின்றனர்.

உயிர்பலி ஏற்படுவதற்கு முன், மின்மாற்றி அமைக்கப்பட்ட மின்கம்பம் அருகே, பாதுகாப்பு வேலி அமைக்க வேண்டும் என, கோரிக்கை எழுந்துள்ளது.