சின்னசேலம்: சின்னசேலம் அருகே அரசு டவுன் பஸ் மோதியதில் வாலிபர் படுகாயம் அடைந்தார்.

சின்னசேலம், கடைவீதி பகுதியை சேர்ந்தவர் குணசேகரன் மகன் மாதவன், 37; இவர் கடந்த இரு தினங்களுக்கு முன் கள்ளக்குறிச்சி - சின்னசேலம் சாலையில் நடந்து சென்றார்.

ஏரிக்கரை அருகே சென்ற போது சின்னசேலம் நோக்கி வந்த அரசு டவுன் பஸ், அவர் பின்னால் மோதியது. இதில் பலத்த காயமடைந்தவரை அருகில் இருந்தவர்கள் மீட்டு, சேலம் தனியார் மருத்துவமனையில் சிகிச்சைக்காக அனுமதித்தனர்.

இது குறித்த புகாரில் சின்னசேலம் போலீசார் வழக்கு பதிந்து விசாரித்து வருகின்றனர்.