கள்ளக்குறிச்சி: சின்னசேலம் அடுத்த அம்மகளத்துார் செல்வ விநாயகர் கோவிலில் தீபாவளி சிறப்பு வழிபாடு நடத்தப்பட்டது. நிகழ்ச்சியையொட்டி கணபதி ஹோமம் மற்றும் சிறப்பு அபிஷேகம் நடந்தது.

தொடர்ந்து மூலவர் விநாயகருக்கு வெள்ளிக்கவசம் அணிவித்து சிறப்பு அலங்காரம் செய்து மகாதீபாராதனை காண்பிக்கப்பட்டது. ஏற்பாடுகளை கோவில் பரம்பரை தர்மகர்த்தா ராமசாமி மற்றும் கோவில் விழா கமிட்டியினர் செல்வாம்பாள், ஞானவேல், எழிலரசி, அவினாஷ், காமேஷ் செய்திருந்தனர். ஏராளமான பக்தர்கள் பங்கேற்று வழிபட்டனர்.

அனைவருக்கும் பிரசாதம் வழங்கப்பட்டது. பிரதி மாதம் சங்கடஹர சதுர்த்தி தினத்தன்று இக்கோவிலில் சிறப்பு பூஜை நடத்தப்படுகிறது.

மேலும் பரிகார பூஜைகள், தோஷ நிவர்த்தி, குழந்தை பாக்கியம் உள்ளிட்டவைக்காக இக்கோவிலில் நடக்கும் சிறப்பு வழிபாடுகளில் ஏராளமான பக்தர்கள் பங்கேற்று சுவாமி தரிசனம் செய்து பலன்பெறுகின்றனர்.