கள்ளக்குறிச்சி : மூங்கில்துறைப்பட்டு அனைத்து வியாபாரிகள் சங்கம் சார்பில் 2024ம் ஆண்டிற்கான புதிய நிர்வாகிகளுக்கு பதவியேற்பு விழா நடந்தது.

விழாவிற்கு அனைத்து வணிகர் சங்கத் தலைவர் செல்வராஜ் தலைமை தாங்கினார் ஒருங்கிணைந்த விழுப்புரம் மாவட்ட தலைவர் கண்ணன், செயலாளர் வெங்கடேசன், பொருளாளர் முத்துக்கருப்பன், மாநில இணைச் செயலாளர்கள் மகாலிங்கம், முருகன், சீனிவாசன் மாவட்ட துணைத் தலைவர்கள் சிவகுமார், திம்மலை சுப்ரமணி முன்னிலை வகித்தனர்.

நிகழ்ச்சிக்கு சிறப்பு அழைப்பாளராக தமிழ்நாடு வணிகர் சங்க பேரவை ஒருங்கிணைப்பாளர் டைமன் ராஜா, வணிகர் சங்க கொடியேற்றி 2024ம் ஆண்டுக்கான புதிய நிர்வாகிகள் தேர்வு செய்யப்பட்டனர்.

தலைவராக தர்பார், செயலாளராக செந்தில் முருகன், பொருளாளராக இப்ராஹிம், துணைத் தலைவராக ஆல்பர்ட், துணைச் செயலாளராக சான்கான், அமைப்புச் செயலாளராக ராஜாராம், தொகுதி செயலாளர்களாக பாலு, சங்கர், அருள் ஜோதி, சிராஜ் மற்றும் நிர்வாகிகள் தேர்வு செய்யப்பட்டு பதவியேற்றுக் கொண்டனர்.

பொருளாளர் இப்ராஹிம் நன்றி கூறினார்.