கோபி:ஈரோடு மாவட்டம், கவுந்தப்பாடி ஒழுங்குமுறை விற்பனை கூடத்தில் நாட்டு சர்க்கரை, உருண்டை வெல்லத்துக்கான ஏலம்நடந்தது. நாட்டு சர்க்கரை முதல் தரம் - திடம், 2,870 முதல், 2,900 ரூபாய் வரை விற்றது.

இரண்டாம் தரம் - மீடியம், 2,760 முதல், 2,850 ரூபாய் வரை ஏலம் போனது. வரத்தான, 4,451 மூட்டைகள், 1.26 கோடி ரூபாய்க்கு விற்பனையானது.

அதேபோல் உருண்டை வெல்லம், 40 மூட்டை - 30 கிலோ, வரத்தானது.

அவற்றில் ஒரு மூட்டை, 1,560 ரூபாய் என, 62,000 ரூபாய்க்கு விற்றது. நாட்டு சர்க்கரை மற்றும் உருண்டை வெல்லத்தை, பழனி கோவில் தேவஸ்தான நிர்வாகம், 1.27 கோடி ரூபாய்க்கு கொள்முதல் செய்ததாக விற்பனை கூட அதிகாரிகள் தெரிவித்தனர்.