ஈரோடு, ஈரோடு மாவட்டத்தில் பொது வினியோக திட்ட குறைதீர் நாள் முகாம், 10 தாலுகாவிலும் தலா ஒரு ரேஷன் கடையில் நாளை நடக்க உள்ளது. இதில் புதிய ரேஷன் கார்டு கோருதல், நகல் அட்டை பெறுதல், பெயர் சேர்த்தல், நீக்குதல், கைபேசி எண் இணைப்பு மற்றும் மாற்றம் போன்ற கோரிக்கைகளை மனுவாக வழங்கி தீர்வு பெறலாம்.

தாலுகா வாரியாக ஈரோடு - வீரப்பம்பாளையம் ரேஷன் கடை, பெருந்துறை - கணக்கம்பாளையம் பட்டக்காரன்பாளையம், மொடக்குறிச்சி - விளக்கேத்தி, கொடுமுடி - கொளத்துப்பாளையம், கோபி - செம்மாண்டம்பாளையம் அயலுார், நம்பியூர் - கடத்துார், பவானி - குறிச்சி, அந்தியூர் கொண்டையம்பாளையம் நகலுார், சத்தியமங்கலம் - கேர்மாளம் திங்களூர், தாளவாடி - திகினாரை கரளவாடி ரேஷன் கடையில் முகாம் நடக்கவுள்ளது.