சத்தியமங்கலம்;தாளவாடி அருகே ராமாபுரம் பகுதியில், நேற்று முன்தினம் நள்ளிரவில், வனப்பகுதியிலிருந்து வெளியேறிய நான்கு யானைகள், அப்பகுதியில் மல்லு என்பவரின் கரும்பு தோட்டத்துக்குள் புகுந்தன.

நேற்று மாலை வரை வெளியேறவில்லை. மொத்தம், 6 ஏக்கர் பரப்பிலான கரும்பில், ௨ ஏக்கர் கரும்பை தின்றும், காலால் மிதித்தும் சேதப்படுத்தின. வனத்துறையினர் பட்டாசு வெடித்து விரட்டும் பணியில் ஈடுபட்டனர். நேற்றிரவு, 7.30 மணிக்கு வனப்பகுதிக்குள் சென்றன. யானையை விரட்டும் பணியை வேடிக்கை பார்க்க மக்கள் திரண்டனர். இதனால் அப்பகுதியில் வெகுநேரம் பரபரப்பு நீடித்தது.