பழநி: பழநி முருகன் கோயிலில் இன்று சந்திர கிரகணம் நடைபெறுவதை முன்னிட்டு தங்கரத புறப்பாடு, ராக்கால பூஜை நேரம் மாற்றப் பட்டுள்ளது.

பழநி முருகன் கோயிலில் தினமும் இரவு 7:00 மணிக்கு தங்கரத புறப்பாடு நடைபெறும். ராக்கால பூஜை இரவு 9:00 மணிக்கு நடைபெறும். இந்நிலையில் இன்று இரவு 9:57 மணி முதல் நள்ளிரவு 1:26 மணி வரை பூரண சந்திர கிரகணம் நடைபெற உள்ளதால், இன்று மாலை 6:30 மணிக்கு தங்கரத புறப்பாடு நடைபெறும் நிலையில் ,பழநி முருகன் கோயில் நிர்வாகத்தின் கட்டுப்பாட்டில் உள்ள அனைத்து உப கோயில்களிலும் இரவு 7:45 மணிக்கு ராக்கால பூஜை நடைபெறும்.

பூஜை நிறைவடைந்த உடன் இரவு 8:00 மணிக்கு அனைத்து சன்னதிகளும் அடைக்கப்படும்.

பழநி முருகன் கோயிலில் இன்று பக்தர்கள் படிப்பாதை,வின்ச்,ரோப்காரில் இரவு 7:00 மணிவரை மட்டுமே அனுமதிக்கப்படுவர்.

நாளை அதிகாலை 4:00 மணிக்கு மேல் கோயில்களில் ஸம்ப்ரோசஷன பூஜை ,ஜெபஹோமம்,நெய்வேத்தியம், தீபாராதனை நடைபெற்ற பின் விஸ்வரூப விநாயகர் தீபாராதனை, பள்ளியறையில் இருந்து எழுந்தருளல், விஸ்வரூப தரிசனம் நடைபெறும். அதன்பின் வழக்கம் போல் பக்தர்கள் அனுமதிக்கப்பட உள்ளனர் என கோயில் நிர்வாகம் தெரிவித்துள்ளது.