சின்னாளபட்டி:காந்திகிராம பல்கலையின் 23 முதுநிலை பட்டப்படிப்புகளில் சேர 'கியூட்' பொது நுழைவுத் தேர்வு நடத்தப்பட்டு வருகிறது. வரும் கல்வியாண்டுக்கான (2024---25)சேர்க்கை குறித்த அறிவிப்பு தற்போது வெளியிடப்பட்டு உள்ளது.

பல்கலையின் அறிக்கையில் 'M.A., M.Sc., M.tech., MCA, MBA, B.ed, M.ed., உள்ளிட்ட 23 முதுநிலை படிப்புகளுக்கு பொது நுழைவுத் தேர்வு மதிப்பெண் அடிப்படையில் சேர்க்கை நடைபெறும். படிப்புகளில் சேர விரும்பும் மாணவர்கள், http://cuet.nta.nic.in என்ற இணையதள முகவரியில் விண்ணப்பிக்கலாம்.

படிப்பு ஒவ்வொன்றிலும் சேருவதற்கான அடிப்படைத் தகுதிகள், குறிப்பேடு, மாணவர்கள் தங்கள் தேர்வு செய்யும் துறைக்கு எந்தெந்த தாள்கள் (domain subject) எழுத வேண்டும் என்பது உள்ளிட்ட தகவல்களை www.ruraluniv.ac.in என்ற பல்கலை இணையதளத்தில் இருந்து பெறலாம். ஜன. 24 வரை விண்ணப்பிக்கலாம் என தெரிவிக்கப்பட்டு உள்ளது.