வெளிமாநில பஸ்கள் பதிவு

மினி பஸ்சில் டிரைவர், கண்டக்டர் இருக்கை தவிர்த்து, 25 இருக்கைகளுக்கு மிகாமல் இருக்க வேண்டும். 'வீல் பேஸ்' 390 செ.மீ.,க்கு மிகாமல் இருக்க வேண்டும் என்பது நிபந்தனை. இத்தொழில் கடந்த காலங்களில் நலிவடைந்த சமயத்தில், மினி பஸ் தயாரிப்பதையே கம்பெனிகள் நிறுத்தி விட்டன. அதனால், இப்போது பழைய பஸ்களும் கிடைப்பதில்லை; புதிய பஸ்களும் கிடைப்பதில்லை. கேரளா, கர்நாடகா மாநிலங்களில் இருந்து பழைய பஸ்களை வாங்கி பயன்படுத்த பலரும் முயற்சிக்கின்றனர்.அம்மாநிலங்களில் பயன்படுத்தப்பட்ட மினி பஸ்களில், 28 இருக்கைகள் உள்ளன. வட்டார போக்குவரத்து துறை அதிகாரியோ அல்லது கலெக்டரோ ஆய்வு செய்து, ஒரு இருக்கையை அகற்றி விட்டு, அந்த பஸ்களை பயன்படுத்த அனுமதி அளிக்கலாம். ஆனால், வெளிமாநில பஸ்களை பதிவு செய்யாமல், தாமதித்து வருகின்றனர்.இப்பிரச்னைக்கு தீர்வு காண, 'வீல் பேஸ்' 390 செ.மீ., என்பதை, 420 செ.மீ., என, உயர்த்திக் கொடுத்தால், புதிய பஸ்கள் வாங்கி பயன்படுத்த முடியும். நீளம் அதிகரிப்பதால், ஐந்து இருக்கைகள் கூடும்; இருக்கைகளின் எண்ணிக்கைக்கேற்ப வரி செலுத்துவதால், கூடுதல் இருக்கைக்கேற்ப அரசுக்கு வருவாய் அதிகரிக்கும் என்ற யோசனையும் முன் வைக்கப்படுகிறது.