கம்பைநல்லுார், தர்மபுரி புவியியல் மற்றும் சுரங்கத்துறை உதவி புவியியலாளர் புவனமாணிக்கம், 24, நேற்று காலை, 7:00 மணிக்கு, கம்பைநல்லுார்-அரூர் சாலையில், சேக்காண்டஹள்ளி பஸ் நிறுத்தம் அருகில், வாகன தணிக்கையில் ஈடுபட்டார்.

அந்த வழியாக வந்த டிப்பர் லாரியை நிறுத்தி சோதனை செய்ததில் அனுமதியின்றி, 2 யூனிட் உளி கற்கள் ஏற்றி வந்தது தெரிய வந்தது. மேலும், லாரியை கம்பைநல்லுார் போலீஸ் ஸ்டேஷனுக்கு எடுத்து வர முற்பட்ட போது டிரைவர் தப்பியோடி விட்டார். தொடர்ந்து, புவனமாணிக்கம் வாகனத்தை பறிமுதல் செய்து போலீசில் ஒப்படைத்தார். கம்பைநல்லுார் போலீசார் விசாரித்து வருகின்றனர்.