பாப்பிரெட்டிப்பட்டி தர்மபுரி மாவட்டம் பொ. மல்லாபுரம் பேரூராட்சியில், 15 வார்டுகள் உள்ளன. இதில், 9வது வார்டு தர்மபுரி மெயின் ரோட்டில் வசிக்கும், 100க்கும் மேற்பட்டோருக்கு மேல்நிலை நீர்தேக்க தொட்டியில் இருந்து தண்ணீர் வினியோகிக்கப்படுகிறது. ஒரு குழாய்க்கு, 4 குடும்பங்கள் என பிரிக்கப்பட்டு குடிநீர் வழங்கப்படுகிறது.

பொம்மிடி - தர்மபுரி மெயின் ரோட்டின் இடது புறமாக உள்ளவர்களுக்கு குடிநீர் குறைவாக வழங்கப்படுகிறது எனக்கூறி நேற்று காலை, 10:00 மணியளவில் தர்மபுரி சேலம் மெயின் ரோட்டில் காலி குடங்களுடன் மக்கள் மறியலில் ஈடுபட்டனர். அவர்களை, பேரூராட்சி தலைவர் சாந்தி புஷ்பராஜ், செயல் அலுவலர் முத்து, பொம்மிடி எஸ்.ஐ., மாரப்பன் உள்ளிட்டோர் சமாதானப்படுத்தி மறியலை கைவிட செய்தனர்.