சூளகிரி, கிருஷ்ணகிரி மாவட்டம், சூளகிரி ஒன்றியம், புன்னாகரம் கிராமத்தில் வேப்பனஹள்ளி சட்டசபை தொகுதி மேம்பாட்டு நிதியில் இருந்து, 9.60 லட்சம் ரூபாய் மதிப்பில், பல்நோக்கு கட்டடம் கட்டப்பட்டுள்ளது. இதன் திறப்பு விழா நேற்று நடந்தது. வேப்பனஹள்ளி அ.தி.மு.க., - எம்.எல்.ஏ., முனுசாமி கட்டடத்தை திறந்து வைத்து,

பொதுமக்களுக்கு ரேஷன் பொருட்களை வழங்கினார். மேலும், பொதுமக்களுக்கு அன்னதானம் வழங்கப்பட்டது. சூளகிரி அ.தி.மு.க., மேற்கு ஒன்றிய செயலாளர் பாபு வெங்கடாசலம், சூளகிரி மத்திய ஒன்றிய செயலாளர் மாதேஷ், ஒன்றிய பொருளாளர் நாராயணப்பா, மாவட்ட துணை செயலாளர் ராமன், வர்த்தக அணி மாவட்ட செயலாளர் சீனிவாசன், முன்னாள் பஞ்சாயத்து தலைவர் சுரேஷ் உட்பட பலர் பங்கேற்றனர்.