அரூர்:கம்பைநல்லுார் ஸ்ரீராம் பள்ளி மாணவர்கள், மாவட்ட அளவில் முதல்வர் கோப்பைக்கான, மேஜைப்பந்து போட்டியில் சாதனை படைத்தனர். ஒற்றையர் பிரிவில் வேதிஸ், இரட்டையர் பிரிவில் வேதிஸ் மற்றும் நிர்மலரசு முதலிடம் பெற்றனர். மாணவியருக்கான இரட்டையர் பிரிவில், தேவிஸ்ரீ, சஞ்சனா ஆகியோர் முதலிடம் பெற்றனர். ஓவியா ஸ்ரீ, 3ம் இடம் பிடித்தார்.

தடகள போட்டி மாணவியர் பிரிவில் ரவினா, வட்டு எறிதலில் முதலிடம், குண்டு எறிதலில் 2ம் இடம் பெற்றார். லோகேஸ்ஸ்ரீ குண்டு எறிதலில் முதலிடம், வட்டு எறிதலில், 2ம் இடம் பெற்றார். மோனிஷா, 100 மீ., தடை தாண்டும் போட்டியில் முதலிடம் பெற்றார். மும்முறை தாண்டும் போட்டியில், 2ம் இடம் பெற்றார், ரினாஸ்ரீ வட்டு எறிதலில், 3ம் இடம் பெற்றார். மாணவர் பிரிவில் ஜனார்த்தனன் வட்டு எறிதலில் முதலிடம், குண்டு ஏறிதலில், 2ம் இடம் பெற்றார். விவின்குமார், 110 மீ., தடை தாண்டும் போட்டியில், 2ம் இடம் பெற்றார். முதலிடம் பிடித்த மாணவ, மாணவியர் மாநில போட்டிக்கு தகுதி பெற்றுள்ளனர்.

மாணவ, மாணவியரை ஸ்ரீராம் கல்வி நிறுவனங்களின் நிறுவனர் வேடியப்பன், தாளாளர் சாந்தி வேடியப்பன், நிர்வாக இயக்குனர்கள் தமிழ்மணி, பவானி தமிழ்மணி, பள்ளி முதல்வர்கள் சாரதி மகாலிங்கம், ஜான் இருதயராஜ் ஆகியோர் பாராட்டினர். மாணவர்களுக்கு பயிற்சி அளித்த உடற்கல்வி ஆசிரியர்கள் செல்வம், புவனேஸ்வரி, திருப்பதி, தினேஷ், பாண்டி, ராஜதுரை, அப்பு ஆகியோரை பள்ளி நிர்வாகம் பாராட்டியது.