நடுவீரப்பட்டு; மாநில அளவிலான டெக்பால் விளையாட்டில் கடலுார் வேவ்ஸ் கால்பந்து கழகத்தினர் தங்கம் வென்றனர்.

சேலம் அஸ்தம்பட்டியில் உள்ள எல்.ஆர்.என்.,ஸ்போர்ட்ஸ் அகாடமியில் தமிழ்நாடு மாநில அளவிலான டெக்பால் 2ம் ஆண்டு விளையாட்டு போட்டிகள் நடந்தது.இந்த விளையாட்டு போட்டியில் 12 வயது,14 வயது,17 வயது,21 வயதிற்குட்பட்டோர் என 4 பிரிவின் கீழ் விளையாட்டு போட்டிகள் நடந்தது.

இந்த விளையாட்டு போட்டிகளில் கடலுார் வேவ்ஸ் கால்பந்து கழக அணியினர் கலந்து கொண்டு விளையாடினர்.இதில் வேவ்ஸ் கால்பந்து கழக வீரர்கள் 6 தங்க பதக்கம்,4 வெள்ளி பதக்கம்,3 வெண்கல பதக்கங்களை பெற்றனர்.

வெற்றி பெற்ற விளையாட்டு வீரர்களை வேவ்ஸ் கால்பந்து கழகத்தினர் பாராட்டினர்.