விருத்தாசலம்: மணவாளநல்லுார் கொளஞ்சியப்பர் கோவிலில், பக்தர்கள் ரூ.13 லட்சம் உண்டியல் காணிக்கை செலுத்தி இருந்தனர்.

விருத்தாசலம் அடுத்த மணவாளநல்லுார் கொளஞ்சியப்பர் கோவில் உண்டியலை திறந்து காணிக்கை எண்ணும் பணி நேற்று நடந்தது. உதவி ஆணையர் சந்திரன், செயல் அலுவலர் பழனியம்மாள், ஆய்வர் பிரேமா ஆகியோர் முன்னிலையில், 8 நிரந்தர காணிக்கை உண்டியல்கள் திறக்கப்பட்டன.

காணிக்கை எண்ணும் பணியில் பக்தர்கள் மற்றும் பொதுமக்கள் ஈடுபட்டனர். இதில், 13 லட்சத்து 45 ஆயிரத்து 708 ரொக்கம், 16 கிராம் தங்கம், 1 கிலோ 75 கிராம் வெள்ளி பொருட்களை பக்தர்கள் உண்டியலில் காணிக்கையாக செலுத்தி இருந்தனர்.