மந்தாரக்குப்பம்; பிரதமர் மோடி 75வது பிறந்த நாளையொட்டி பள்ளி மாணவர்களுக்கு நலத்திட்ட உதவிகள் வழங்கப்பட்டன.

பா.ஜ., கம்மாபுரம் தெற்கு ஒன்றியம் சார்பில் பிரதமர் மோடி பிறந்த நாளையொட்டி மந்தாரக்குப்பம் கடை வீதி வெற்றி விநாயகர் கோவிலில் நடந்த சிறப்பு பூஜைக்கு ஒன்றிய தலைவர் சின்னதுரை தலைமை தாங்கினார். முன்னாள் மாவட்ட பொருளாளர் முருகன், ஓ.பி.சி., அணி மாவட்ட பொதுச் செயலாளர் ரவிந்தீரன், மாநில பொதுக்குழு உறுப்பினர் கோவிந்தராஜ் முன்னிலை வகித்தனர்.

சிறப்பு அழைப்பாளர்களாக மாவட்ட பொதுச் செயலாளர் ரங்கராஜ், முன்னாள் மாவட்ட பொதுச் செயலாளர் கோபிநாத் கணேசன் பங்கேற்றனர். பள்ளி மாணவ, மாணவிகளுக்கு கல்வி உபகரணங்கள் வழங்கப்பட்டன. அன்னதானம் வழங்கப்பட்டது.

நிகழ்ச்சியில், நிர்வாகிகள் ராமச்சந்திரன், விஜயகுமார், குப்பன், பழனிச்சாமி, கலியபெருமாள், அருள், சந்திரமோகன் உட்பட பலர் பங்கேற்றனர். ஒன்றிய பொதுச் செயலாளர் தேவப்பெருமாள் நன்றி கூறினார்.