கடலுார்: கடலுார் வண்டிப்பாளையம் அரசு மேல்நிலைப்பள்ளியில், மாணவர்களுக்கு 'தினமலர்-பட்டம்' இதழ் வழங்கப்பட்டது.

மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதுள்ள தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.

கடலுார் வண்டிப்பாளையம் அரசு மேல்நிலைப்பள்ளியில், நேற்று கராத்தே பயிற்சியாளர் சென்சாய் கிருஷ்ணன் தலைமை தாங்கி, மாணவர்களுக்கு 'தினமலர்- பட்டம்' இதழ் வழங்கினார். நிகழ்ச்சியில் பள்ளி தலைமை ஆசிரியர் பிரணவ மாறன், ஆசிரியர்கள் செல்லப்பன், ரமா பிரபா மற்றும் ஆசிரியர்கள், மாணவர்கள் பங்கேற்றனர்.