கடலுார்: கடலுார் முதுநகர், மாலுமியார் பேட்டையில் புதிய ரேஷன் கடை கட்டடத்தை அய்யப்பன் எம்.எல்.ஏ., திறந்து வைத்தார்.

கடலுார் முதுநகர், மாலுமியார் பேட்டையில் 14லட்ச ரூபாய் மதிப்பில் புதியதாக கட்டப்பட்ட ரேஷன் கடை கட்டப்பட்டு திறப்பு விழா நேற்று நடந்தது. கடலுார் அய்யப்பன் எம்.எல்.ஏ., பங்கேற்று புதிய கட்டடத்தை ரிப்பன் வெட்டி, குத்துவிளக்கேற்றி திறந்து வைத்தார். நிகழ்ச்சியில் குடிமைப்பொருள் தனி வட்டாட்சியர் ஜெயக்குமார், கள அலுவலர் சங்கீதா, கூட்டுறவு சார்பதிவாளர் (பொது வினியோக திட்டம்) தன்ராஜ், கூட்டுறவு சார்பதிவாளர் செயலாளர் புருஷோத்தமன், ஆதி பெருமாள், ராஜசேகர், சுதாகர், மாநகராட்சி கவுன்சிலர்கள் ராதிகா பிரேம்குமார், கீர்த்தனா ஆறுமுகம், சரத், பாரூக் அலி, முன்னாள் கவுன்சிலர் கோமதி சம்பத், கலைமணி, பரந்தாமன், பாபு, பிரகாஷ்ராஜன், கண்ணன், சீனு உட்பட பலர் பங்கேற்றனர்.