பெண்ணாடம் : பெண்ணாடம் அருகே 40 அடி ஆழமுள்ள தரைக்கிணற்றில் தவறி விழுந்த பசுங்கன்றை தீயணைப்புத் துறையினர் உயிருடன் மீட்டனர்.

பெண்ணாடம் அடுத்த சின்ன கொசப்பள்ளத்தைச் சேர்ந்தவர் செல்வ விநாயகம். விவசாயி. இவர் வளர்க்கும் 1 வயதுடைய பசுங்கன்று நேற்று மாலை 6:30 மணியளவில், துள்ளித்திறிந்தது.

அப்போது வீட்டின் பின்புறம் இவருக்கு சொந்தமான 40 அடி ஆழமுள்ள தரைக்கிணற்றில் எதிர்பாராத விதமாக பசுங்கன்று தவறி விழுந்தது.

தகவலறிந்து இரவு 7:00 மணியளவில் வந்த திட்டக்குடி தீயணைப்பு நிலைய வீரர்கள், கிராம மக்கள் உதவியுடன் 7:30 மணியளவில் பசுங்கன்றை உயிருடன் மீட்டனர்.