பரங்கிப்பேட்டை : பரங்கிப்பேட்டை அடுத்த கொத்தட்டை ஊராட்சியில், மேற்கு ஒன்றிய அ.தி.மு.க., பூத் கமிட்டி நிர்வாகிகள் ஆலோசனைக் கூட்டம் நடந்தது.

ஒன்றிய செயலாளர் ரங்கசாமி தலைமை தாங்கினார். மாவட்ட இணைச் செயலாளர் ரங்கம்மாள், மீனவரணி செயலாளர் வீராசாமி, முன்னாள் ஊராட்சி துணைத் தலைவர் விஜயராஜா முன்னிலை வகித்தனர்.

முன்னாள் அமைச்சர் ஜெயபால், பாண்டியன் எம்.எல்.ஏ., ஆகியோர் பூத் கமிட்டி நிர்வாகிகளின் பணிகள் மற்றும் வரும் 2026ம் ஆண்டு சட்டசபை தேர்தலில் வெற்றி பெறுவது குறித்து ஆலோசனை வழங்கினர்.

கூட்டத்தில், முன்னாள் ஊராட்சி தலைவர் ராஜேஸ்வரி ரங்கசாமி, முன்னாள் ஒன்றிய கவுன்சிலர்கள் ஆனந்தஜோதி சுதாகர், பரங்கிப்பேட்டை நகர இளைஞரணி செயலாளர் ஜெய்சங்கர், நிர்வாகிகள் சிவராஜ், மகேஷ், சேகர், கோவிந்தராஜ் உட்பட பலர் பங்கேற்றனர்.