கடலுார்: ரோட்டரி கிளப் ஆப் கடலுார் சங்கமம் புதிய நிர்வாகிகள் பதவியேற்பு விழா இந்திய மருத்துவ சங்க அரங்கில் நடந்தது.

வழக்கறிஞர் கோவிந்தராஜூ முன்னிலை வகித்தார். சங்கத்தின் புதிய தலைவராக நாராயணசாமி, செயலாளராக கார்த்தீசன், பொருளாளராக ஞானசேகரன் பதவியேற்றனர். சிறப்பு விருந்தினர் முன்னாள் மாவட்ட ஆளுனர் மணி, பயனாளிகளுக்கு ரூ.1.50 லட்சம் ரூபாய் மதிப்பில் நலத்திட்ட உதவிகள் வழங்கினார். உதவி ஆளுநர் வெங்கடேசன், புதிய உறுப்பினர்களை அறிமுகப்படுத்தினார்.

முன்னாள் உதவி ஆளுநர் சுதன்பவர் டெக் பூங்குன்றன், சுரேந்திரா மருத்துவமனை டாக்டர் ராஜேந்திரன், வேலன் ஸ்டீல்ஸ் வேல்முருகன், சந்தியா எண்டர்பிரைசஸ் உரிமையாளர் முருகன், மிட்டவுன் ரோட்டரி சங்க முன்னாள் தலைவர் ஆசைதம்பி, அபிநயா ஓட்டல் ஜனார்த்தனன் உட்பட பலர் பங்கேற்றனர்.

ஏற்பாடுகளை முன்னாள் தலைவர் சூரியமூர்த்தி, முன்னாள் செயலாளர் மோகன், முன்னாள் பொருளாளர் சன் பிரைட் பிரகாஷ் செய்திருந்தனர்.

விழாவை முன்னாள் தலைவர் உமாசுதன் தொகுத்து வழங்கினார்.