பெண்ணாடம்: பெண்ணாடம் அடுத்த புத்தேரி வரதராஜ பெருமாள் கோவில், வெற்றி விநாயகருக்கு சங்கடஹர சதுர்த்தி சிறப்பு வழிபாடு நடந்தது.

இதையொட்டி, நேற்று காலை 9:00 மணியளவில் மூலவர் சுவாமிக்கு திருமஞ்சனம், 9:30 மணியளவில் தீபாராதனை நடந்தது. 10:00 மணியளவில் பிரகாரத்தில் உள்ள வெற்றி விநாயகருக்கு அபிேஷகம்; 10:30 மணியளவில் மகா தீபாராதனை நடந்தது. ஏராளமான பக்தர்கள் தரிசனம் செய்தனர்.

பூஜை ஏற்பாடுகளை, பஞ்சவடீ, பஞ்சமுக ஆஞ்சநேயர் கோவில் தலைவர் கோதண்டராமன், புத்தேரி செல்வ விநாயகர் மற்றும் வரதராஜ பெருமாள் கோவில் தலைவர் தமிழ்மணி ராதாகிருஷ்ணன், ஆலோசகர் ராதாகிருஷ்ணன் ஆகியோர் செய்திருந்தனர்.