கோவை; கோவை ஜில்லா பஞ்சாலைத் தொழிலாளர் சங்க பொதுக்குழு கூட்டம், சங்க தலைவர் ராஜாமணி தலைமையில் நடந்தது.

கூட்டத்தில், 'நாடு முழுவதும் உள்ள 23 என்.டி.சி., மில்கள் மூடப்பட்டுள்ளன. 5 ஆண்டுகளாக தொழிலாளர்களுக்கான சம்பளம், போனஸ், இதர பயன்கள் முழுமையாக வழங்கப்படவில்லை.

அன்றாடம் பணிக்கு வரும் அத்தியாவசிய தொழிலாளர்களுக்கு ஜன., முதல் ஆக., வரை சம்பளம் உள்ளிட்ட பயன்கள் வழங்கப்படவில்லை.

'இதர தொழிலாளர்களுக்கு நிலுவையில் உள்ள பணப்பயன்கள், 2025ம் ஆண்டு போனஸ் உட்பட, 2020 முதல் 6 ஆண்டுகளுக்கு சட்டப்படியான குறைந்தபட்ச போனஸ் 8.33 சதவீதம் வழங்க வேண்டும்.

நடப்பாண்டுக்கான போனஸை, கடந்த ஆண்டை விட உயர்த்தி வழங்க வேண்டும். ஹெச்.எம்.எஸ்., சங்க மாநில மாநாடு, டிச. 14ல் நடைபெற உள்ளது' என்பன உள்ளிட்ட தீர்மானங்கள் நிறைவேற்றப்பட்டன.

சங்க முதன்மை செயலாளர் மனோகரன் உட்பட நிர்வாகிகள் பங்கேற்றனர்.