வால்பாறை:வால்பாறை ஸ்ரீராமர் கோவில் ஆண்டு விழா கொடியேற்றத்துடன் துவங்கியது.

வால்பாறை, அண்ணாநகர் ஸ்ரீராமர் கோவிலின், 46ம் ஆண்டு திருவிழா நேற்று காலை, கொடியேற்றத்துடன் துவங்கியது. கோவில் தர்மகர்த்தா தர்மலிங்கம் திருக்கொடியை ஏற்றினார்.

அதனை தொடர்ந்து சுவாமிக்கு சிறப்பு அபிேஷக பூஜையும், சிறப்பு அலங்கார பூஜையும் நடந்தது. நாளை (13ம் தேதி) பழநி பாதயாத்திரை குழுவின் சார்பில், மாலை, 6:00 மணிக்கு பஜனை நடக்கிறது. 14ம் தேதி, மாலை, 6:30 மணிக்கு ஸ்ரீகோதண்டராமசுவாமிக்கும், சீதா தேவிக்கும் திருக்கல்யாணம் நடக்கிறது.

வரும், 15ம் தேதி காலை, 10:00 மணிக்கு அலங்கார தேரில் சுவாமி திருவீதி உலா சென்று பக்தர்களுக்கு அருள்பாலிக்கிறார். மதியம், 1:00 மணிக்கு அன்னதானம் வழங்கும் விழா நடக்கிறது. விழா ஏற்பாடுகளை தலைவர் தமிழ்ச்செல்வன், பொருளாளர் ராம்பிரபு, செயலாளர் நாகரத்தினம்ஆகியோர் செய்து வருகின்றனர்.