பயன் பெற்றவர்கள் ஏராளம்

இது குறித்து, போலீசார் கூறுகையில், 'இரவு நேரத்தில் வெளியூரிலிருந்து வந்த முதியவர் ஒருவர் வேறு ஒரு இடத்தில் இறங்கி, தன்னுடைய வீட்டை தேடி அலைந்தார். அவரது உறவினர்களும் அவரை தேடி அலைந்தனர். இந்நிலையில், காவல் உதவி செயலியால் அவர் இருக்கும் இடம் கண்டுபிடிக்கப்பட்டு, அவருடைய உறவினர்களிடம் ஒப்படைக்கப்பட்டார். இதே போல, இரவு பணி முடிந்து வீடு திரும்பி கொண்டிருந்த 'ஐடி' பெண் ஊழியரை சில நபர்கள் துரத்தி வந்த தகவல் கிடைத்தது. அப்பெண் எவ்வித துன்பமும் இல்லாமல், போலீஸ் உதவியுடன் பாதுகாப்பாக வீட்டுக்கு சென்றார். இது போல காவல் உதவி செயலியால் பலர் பயன் பெற்றுள்ளனர்' என்றனர்.