பள்ளிக்கூட பிரச்னைய கல்வித்துறை ஆபீசர் தெரிஞ்சுக்கணும்!

பொள்ளாச்சி குமரன் நகரில் நண்பரை சந்தித்தேன். 'மாணவர்கள் பிரச்னைய பேசப்போனா, அலுவலகத்துல இருக்கற அதிகாரிக தரக்குறைவா பேசறாங்கனு,' புகார் பண்ணினார். என்ன நடந்ததுனு விசாரிச்சேன்.குமரன் நகர் நகராட்சி துவக்கப்பள்ளியில மாணவர்கள் எண்ணிக்கைக்கு ஏற்ப, அஞ்சு வகுப்புக்கும் ஒரு ஆசிரியர் தான் இருக்காரு. ஆசிரியர்கள் கூடுதலா நியமிக்க வேண்டும்னு, வட்டார கல்வி அதிகாரியிடம் வலியுறுத்த போயிருந்தோம். அங்கு வந்த மக்கள் பேசியதை கண்ட அதிகாரி, 'சந்தைக்கடையில சப்தம் போடுற மாதிரி கல்வி ஆபீஸ்க்கு வந்து சப்தம் போடாதீங்க,' என பேசினாரு.இதை கேட்ட மக்கள், 'நாங்க, எங்களோட பிள்ளைகளுக்காக பேச வந்து இருக்கோம். சொந்த பிரச்னைய பேச வர்ல. அரசாங்க சம்பள வாங்கற ஆபீசருக, பள்ளிக்கூடத்துல என்ன பிரச்னைனு தெரிஞ்சுக்கணும்.ஒரு ஆசிரியர வைத்து பாடம் எப்படி நடத்த முடியும். பாதுகாப்பு எப்படி இருக்கும். இதை கேட்க வந்தா, இப்படி பொறுப்பில்லாம தரக்குறைவா பேசறது எந்த வகையில நியாயம்னு, கேள்வி எழுப்பினோம். அதுக்கப்புறம் அமைதியான அதிகாரி, கூடுதல் ஆசிரியர் போடணும்னா அரசு உத்தரவிடணும்னு, சொன்னார். ஆரம்பத்திலேயே பொறுமையா பதில் சொல்லி இருந்தால், அதிகாரி மேல மரியாதை ஏற்பட்டிருக்கும்னு, சொல்லி முடித்தார்.