'பவர்' காட்டும் கட்சியினர்; மவுனம் காக்கும் அதிகாரிகள்!

உடுமலை யூனியல் ஆபீஸ்ல, கிராம மக்கள் நிறைய பேரு, அலைமோதிட்டு இருந்தாங்க. என்ன பிரச்னைனு விசாரிச்சேன். கிடைத்த தகவல் இதோ...தமிழக அரசு, கலைஞரின் கனவு இல்ல திட்டத்துல, கிராமத்துல வீடு கட்டும் திட்டத்தை செயல்படுத்துது. இத்திட்டத்துல, இடைத்தரகர்கள தவிர்க்க, நேரடியாக ஆன்லைனில் விண்ணப்பிக்கும் முறையை அரசு அறிமுகப்படுத்தியிருக்கு.ஆனா, கிராமங்கள்ல இருக்கும் ஆளும்கட்சிக்காரங்க, மக்களை அலைக்கழிக்கும் வகையில செயல்படுறாங்க. ஆன்லைனில், விண்ணப்பிப்பது குறித்து தெரியாமல் மக்கள் கேட்டால், அவர்களுக்கு வழிகாட்டுதல் வழங்குவதில்லை.மாறாக, கட்சி பிரமுகரிடம் 'ரெக்கமன்ட்' வாங்கி தருகிறேன்; அப்ப தான் நிதி ஒதுக்கீடு கிடைக்கும்னு சொல்லி, மக்கள அலையவிடுறாங்க. கட்சிக்காறங்க கிட்ட இருந்து விண்ணப்பம் வாங்கினா தான், திட்டத்துல முன்னுரிமை கிடைக்கும்னு மக்களை குழப்புறாங்க.இதையெல்லாம் நம்பி, ஆளும்கட்சிக்காரங்க பின்னாடி அலையும் மக்கள், கடைசியில திட்டமே வேண்டாம்னு, எல்லா முயற்சியையும் கைவிட்டர்றாங்க.தமிழக அரசு, மானிய திட்டங்களை எளிமைப்படுத்த 'ஆன்லைன்' சேவைய துவங்கியிருக்கு. இது குறித்து, நிறைய விழிப்புணர்வும் பண்ணியிருக்கு. ஆனா, உள்ளூர் ஆளும்கட்சியினர் அரசுக்கு நல்ல பெயர் கிடைக்காமல் செய்யும் வகையில், சுயவிளம்பரம், சுய நலனுக்கு கிராம மக்கள அலைக்கழிக்கறாங்க.ஊரக வளர்ச்சித்துறையினரும், திட்டம் குறித்து மக்களுக்கு நேரடியா சொல்லாம, ஆளும்கட்சிக்காரங்க பின்னாடி கைகட்டி நிற்கறதால, மக்களுக்கும் குழப்பம் அதிகமாகி, தாங்களுக்கு 'விடியலே' இல்லைனு புலம்ப துவங்கிட்டாங்க.