செக்போஸ்ட்ல 'கப்பம்' வசூல்; மறையூர் மக்கள் புகாரு!

உடுமலையில, மாவட்ட வனத்துறை ஆபீஸ்க்கு மறையூர் மக்கள் வந்திருக்காங்க, என்ன பிரச்னைனு ஆபீசர் ஒருத்தரு கிட்ட விசாரிச்சேன்.தமிழகம் - கேரளா இரு மாநிலங்கள இணைக்கும் வகையில, உடுமலை - மூணாறு ரோடு அமைந்திருக்கு. வனப்பகுதியில் இருக்கற இந்த ரோட்டுல, ரெண்டு மாநில வனத்துறையும் சோதனைச்சாவடிகள் அமைச்சிருக்காங்க.ஆனா, தமிழக பகுதியில மட்டும், உடுமலை, அமராவதி வனச்சரகங்கள் சார்பில், ரெண்டு செக்போஸ்ட்கள் இருக்கு. இந்த ரோட்டுல போகற வாகனங்களுக்கு, 'பாஸ்ட்டிராக்' முறையில, நுழைவுக்கட்டணம் வசூலிக்கறாங்க.ரெண்டு சோதனைச்சாவடியிலும், பணியில இருக்கும் சில வனத்துறை அலுவலர்கள், ஊழியர்கள், இரு சக்கர வாகனம், நான்கு சக்கர வாகனங்களில் செல்பவர்களிடம், முறைகேடா பணம் வசூல் பண்ணுறாங்க. சட்ட விரோதமாக கனிமவளம் கொண்டு போகற லாரிகள பார்த்துட்டா அவர்களுக்கு கொண்டாட்டம்தான். லாரிக்கு, ஆயிரம் ரூபாய் 'கப்பம்' வசூலிக்கறாங்க.மறையூர், காந்தலுார் மக்கள், அவசர மருத்துவ உதவிக்கு, உடுமலைக்கு ஆட்டோ, இரு சக்கர வாகனங்கள்ல வந்தா, வாகனத்த நிறுத்தி பணம் வசூலிக்கறாங்க. கையில் பணம் இல்லைனு சொன்னா, 'ஜிபே' பண்ணுனு கறாரா வசூலிக்கறாங்க.இது குறித்து, மறையூர், மூணாறு பகுதி மக்கள் மாவட்ட வன அலுவலரிடம் புகார் பண்ணியிருக்காங்க. இனிமேலாவது நம்ம வனத்துறையினர் வசூலை நிறுத்துவாங்களானு பார்ப்போம்னு, விபரமா சொன்னாரு.