மேட்டுப்பாளையம்; மேட்டுப்பாளையத்தில் ஊட்டி உருளைக்கிழங்குகள் விலை ஒரே நாளில் மூட்டை ஒன்றுக்கு ரூ.230 வரை விலை சரிந்து, ரூ.1,570க்கு விற்பனை ஆனது.

மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது.

நேற்று முன் தினம் அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு அதிகபட்சமாக ரூ.1,800க்கு விற்பனை ஆனது. அதன் பின் நேற்று ஒரே நாளில் மூட்டை ஒன்றுக்கு ரூ.230 விலை சரிந்து ரூ.1,570க்கு விற்பனை ஆனது. சுமார் 850 மூட்டைகள் லோடு வந்தன.