வாலிபர் இறப்பில் சந்தேகம்!

ஆலாம்பாளையத்தை சேர்ந்த பழனிச்சாமி கொடுத்த மனுவில் கூறியிருப்பதாவது:எனது மகன், கிரிபிரசாத்,23, பொள்ளாச்சியிலுள்ள உடற்பயிற்சி கூடத்தில், பயிற்றுநராக வேலை செய்து வந்தார். கடந்தாண்டு நவ., 10ம் தேதி மர்மமான முறையில், கோமங்கலம் முக்கோணம் பகுதியில் ரயில் விபத்தில் இறந்ததாக ரயில்வே போலீசார் தகவல் கொடுத்தனர்.உடுமலை அரசு மருத்துவமனையில் இருந்த அவரது உடலில், கழுத்துப்பகுதியில் கூர்மையான ஆயுதத்தால் தாக்கியது தெரிந்தது. பலமுறை ரயில்வே போலீசாரிடம் உடற்கூராய்வு அறிக்கை கேட்ட போது தர மறுத்தனர். இதையடுத்து, தகவல் அறியும் உரிமை சட்டத்தின் கீழ், தகவல் கேட்டதற்காக, உடற்கூராய்வின் மூன்றாம் நகல் மட்டும் அளிக்கப்பட்டது. அதில் தெளிவான பதிலும், நகலின் தன்மை மிக மோசமாக இருந்தது.இது குறித்து விசாரித்து நடவடிக்கை எடுக்க வேண்டும்.இவ்வாறு, தெரிவிக்கப்பட்டுள்ளது.