குற்றவியல் நடவடிக்கை அவசியம்

சட்ட விரோதமாக, 10 வீடுகளுக்கு மின் இணைப்பு கொடுத்திருப்பது ஆய்வில் கண்டறியப்பட்டுள்ளது. இது, மின் திருட்டு. சட்ட ரீதியாக சம்பந்தப்பட்டோர் மீது குற்றவியல் வழக்கு தொடர வேண்டும். 10 வீடுகளை எவ்வாறு ஒருவரே பயன்படுத்த முடியும். 10 வீடுகளை ஒருவர் ஆக்கிரமித்து, உள்வாடகைக்கு கொடுத்திருப்பது தெரியவந்தது. அவ்வீடுகளை நகர்ப்புற வாழ்விட மேம்பாட்டு அதிகாரிகள் மீட்க வேண்டும். அவ்வீடுகளை சட்ட விரோதமாக வாடகைக்கு கொடுத்தது யார் என அறிந்து, சட்ட ரீதியாக நடவடிக்கை எடுக்க வேண்டும். இல்லையெனில், இவ்விரு குற்றச் செயல்களுக்கும் நகர்ப்புற வாழ்விட மேம்பாட்டு அதிகாரிகள் மற்றும் மின்வாரிய அதிகாரிகள் உடந்தையாக இருந்திருக்கின்றனர் என்பதே உண்மையாகி விடும். இவ்விஷயத்தில், மாவட்ட நிர்வாகம் துரித நடவடிக்கை எடுக்க வேண்டும்.