கிணத்துக்கடவு;கிணத்துக்கடவு மற்றும் சுற்று பகுதி கிராமங்களில் இருந்து, விவசாயிகள் தங்கள் விளை பொருட்களை மார்க்கெட்டிற்கு கொண்டு வந்து விற்பனை செய்கின்றனர். மார்க்கெட்டில், இந்த வாரம் காய்களின் விலையில் மாற்றம் ஏற்பட்டுள்ளது என வியாபாரிகள் தெரிவித்தனர்.

காய்கறி விலை நிலவரம் குறித்து வியாபாரிகள் கூறியதாவது:

இந்த வாரம் காய்களின் விலையில் மாற்றம் ஏற்பட்டுள்ளது. தினசரி காய்கறி மார்க்கெட்டில், நேற்று தக்காளி பெட்டி (15 கிலோ) 370, தேங்காய் ஒன்று - 18 முதல் 20; கத்தரிக்காய் (கிலோ) - 35, முருங்கைகாய் --- 140, வெண்டைக்காய் - 50, முள்ளங்கி --- 30, வெள்ளரிக்காய் - 20, பூசணிக்காய் - 15, அரசாணிக்காய் - 15, பாகற்காய் - 40, புடலை - 20, சுரைக்காய் - 20, பீர்க்கங்காய் - 50, பீட்ரூட் - 22, அவரைக்காய் - 50, பச்சைமிளகாய் --- 50 ரூபாய்க்கு விற்கப்பட்டது.

கடந்த, 15 நாட்களில், தக்காளி பெட்டிக்கு, 70 ரூபாய், பீட்ரூட் கிலோ - 3, அவரைக்காய் --- 10 ரூபாய் விலை குறைந்துள்ளது. வெண்டைக்காய், பூசணிக்காய், அரசாணிக்காய் விலையில் கிலோவுக்கு 5 ரூபாய் அதிகரித்துள்ளது.

சுரைக்காய் - 8, பீக்கங்காய் மற்றும் பச்சைமிளகாய் கிலோவுக்கு 15 ரூபாய் மற்றும் முருங்கைக்காய் கிலோவுக்கு 70 ரூபாய் வரை விலை அதிகரித்துள்ளது.