நெகமம்; நெகமம் சமரச சுத்த சன்மார்க்க சங்கத்தில், 81ம் ஆண்டு விழா நடந்தது. இதில் திரளான மக்கள் பங்கேற்றனர்.

நெகமம், நகர் மைதானம் அருகே உள்ள சமரச சுத்த சன்மார்க்க சங்கத்தில், 81ம் ஆண்டு விழா, நெகமம் சமரச சுத்த சன்மார்க்க சத்திய தர்மசாலையின் 6ம் ஆண்டு துவக்க விழா மற்றும் அருள்ஜோதி தியான மண்டபத்தின், 8ம் ஆண்டு துவக்க விழா நடந்தது.

இதில், திரு அகவல் பாராயண வேள்வி, சன்மார்க்கக் கொடி உயர்த்துதல், சன்மார்க்க சத்விசாரம், ஜோதி வழிபாடு போன்ற நிகழ்ச்சிகள் நடந்தது.

தொடர்ந்து 'ஜீவகாருண்ய ஒழுக்கம்' என்ற தலைப்பில் பொதுமக்களிடம் உரையாற்றப்பட்டது. இதில், ஏராளமான பொதுமக்கள் கலந்து கொண்டு பயனடைந்தனர். தொடர்ந்து இந்நிகழ்ச்சியில் பங்கேற்றவர்களுக்கு உணவு வழங்கப்பட்டது.