வால்பாறை: வால்பாறை, வாழைத்தோட்டம் ஸ்ரீகாமாட்சியம்மன் கோவிலின், 57ம் ஆண்டு திருவிழா கடந்த, 6ம் தேதி காலை கொடியேற்றத்துடன் துவங்கியது.

நேற்று காலை, 11:00 மணிக்கு சுப்ரமணிய சுவாமி கோவிலில் இருந்து, ஏகாம்பரஈஸ்வரரை கைலாய சிவவாத்தியங்கள் முழங்க மாப்பிள்ளை அழைத்து, திருமண சீர்வரிசை எடுத்து கோவிலுக்கு பக்தர்கள் ஊர்வலமாக சென்றனர்.

மதியம், 12:45 மணிக்கு காமாட்சியம்மனுக்கும், சிவபெருமானுக்கும் திருக்கல்யாணம் நடைபெற்றது. நுாற்றுக்கணக்கான பக்தர்கள் பங்கேற்று சுவாமி தரிசனம் செய்தனர். பக்தர்களுக்கு அன்னதானம் வழங்கப்பட்டது. இன்று (14ம் தேதி) மாலை, 6:00 மணிக்கு அலங்கரிக்கபட்ட தேரில் அம்மன் எழுந்தருளி, திருவீதி உலா சென்று பக்தர்களுக்கு அருள்பாலிக்கிறார்.