'ரூட்' தெரிந்த கால்நடைகள்!

பொள்ளாச்சியில், காலை நேரத்திலேயே ஆடு, மாடுகள் கட்டவிழ்த்து விடப்படுகின்றன. வழக்கமாக அவற்றுக்கு உணவு கிடைக்கும் இடங்களை நோக்கி நகர துவங்கி விடுகின்றன. வயிறு நிரம்பியதும் ஆடுகள், ரோட்டோரத்தில் இருக்கும் மர நிழலில் ஐக்கியமாகி விடுகின்றன. தற்போது, மழை பெய்வதால், லேசான வெயில் அடித்தால், ரோட்டில் இதனமான வெப்பத்தில் ஓய்வெடுக்கின்றன.ஆனால், கறவை மாடுகளை பால் கறக்கும் நேரத்திலும், இரவு நேரத்தில் அவற்றின் உரிமையாளர்கள் வந்து ஓட்டிச்செல்கின்றனர்.உரிமையாளரின் வீட்டில் இருந்து கிளம்பியதும், செல்ல வேண்டிய இடங்களுக்கு சென்று, குறிப்பிட்ட நேரத்துக்கு வீடு தேடி செல்லும் அளவுக்கு, 'ரூட்' தெரிந்து வைத்திருக்கின்றன கால்நடைகள். இதனால், அவற்றை பற்றி உரிமையாளர்கள் கவலை கொள்வதில்லை.