கோவை : தெற்கு குறுமைய அளவிலான டெனிகாய்ட் போட்டியில் எக்விடாஸ் குருகுல் பள்ளி மாணவர்கள் அசத்தலாக விளையாடி பல்வேறு பிரிவுகளில் முதலிடம் பிடித்தனர்.

பள்ளி மாணவர்களுக்கு தெற்கு குறுமைய அளவிலான விளையாட்டு போட்டி குனியமுத்துார் அரசு உயர்நிலைப்பள்ளி சார்பில் நடத்தப்படுகிறது. இதில் மாணவர்கள் பிரிவு டெனிகாய்ட் போட்டி மதுக்கரை ரோடு எக்விடாஸ் பள்ளியில் நடந்தது. ஒற்றையர் 14 வயது பிரிவில் ஆஸ்ரம் பள்ளி சவின் முதலிடம், கஸ்துாரி பள்ளி இனியன் இரண்டாமிடம்; 17 வயது பிரிவில் எக்விடாஸ் பள்ளி கிர்தின் முதலிடம், நாடார் பள்ளி சந்தீப் குமார் இரண்டாமிடம்; 19 வயது பிரிவில் எக்விடாஸ் பள்ளி கிருஷ்ணா முதலிடம், டி.வி., சேகரன் பள்ளி வசந்த் குமார் இரண்டாமிடம் பிடித்தனர்.

இரட்டையர் 14 வயது பிரிவில், எக்விடாஸ் பள்ளி ஆதர்ஷ், சுதிர்வேலன் முதலிடம், ஆஸ்ரம் பள்ளி சவின், லெத்திஸ் பிரியன் இரண்டாமிடம்; 17 வயது பிரிவில் எக்விடாஸ் பள்ளி பிரஜின் குமார், சக்தி முதலிடம், ஆஸ்ரம் பள்ளி முகமது ஷாருக், சிவ பிரசாத் இரண்டாமிடம்; 19 வயது பிரிவில் எக்விடாஸ் பள்ளி பிரவீன் கிருஷ்ணா, அபிநவ் முதலிடம், ஆஸ்ரம் பள்ளி சஜின், சஞ்சய் இரண்டாமிடம் பிடித்தனர்.