என்ன செய்கிறது 'நாபிட்' நிறுவனம்?

மார்க்கெட்டிங் சொசைட்டி அதிகாரிகள் கூறுகையில், 'தமிழகத்தில் கொள்முதல் செய்த கொப்பரைக்கு, 150 கோடி ரூபாய் வரை நிலுவை உள்ளது. கோவை மாவட்டத்தில், 67 கோடி ரூபாய் நிலுவை இருந்தது. இரண்டாம் கட்டமாக, 6 கோடி வழங்கப்பட்டது. தற்போது, 61 கோடி ரூபாய் வழங்கப்பட வேண்டும். 'நாபிட்' அதிகாரிகளுக்கு நிலுவைத்தொகை வழங்க வலியுறுத்தப்பட்டுள்ளது. பணம் ஒதுக்கீடு செய்ததும் விவசாயிகளுக்கு வழங்கப்படும்' என்றனர்.விவசாயிகள் கூறுகையில், 'நாபிட் வாயிலாக கொள்முதல் செய்யப்பட்ட கொப்பரைகளுக்கு உரிய தொகை வந்து சேரவில்லை. 'நாபிட்' அதிகாரிகள், மத்திய அரசுக்கு முறையான தகவல்களை அளிக்காததால், பணம் வழங்குவதில் தாமதம் ஏற்பட்டுள்ளதாக தெரிகிறது. இதனால், விவசாயிகள் தான் பாதிக்கப்பட்டுள்ளோம். அதிகாரிகள், அரசிடம் முறையாக தெரிவித்து நிலுவைத்தொகையை உடனடியாக வழங்க வேண்டும்' என்றனர்.