/உள்ளூர் செய்திகள்/கோயம்புத்தூர்/ பள்ளிகளுக்கு இடையேயான வாலிபால் போட்டி; இருகூர் அரசு பள்ளி முதலிடம் பள்ளிகளுக்கு இடையேயான வாலிபால் போட்டி; இருகூர் அரசு பள்ளி முதலிடம்
பள்ளிகளுக்கு இடையேயான வாலிபால் போட்டி; இருகூர் அரசு பள்ளி முதலிடம்
பள்ளிகளுக்கு இடையேயான வாலிபால் போட்டி; இருகூர் அரசு பள்ளி முதலிடம்
பள்ளிகளுக்கு இடையேயான வாலிபால் போட்டி; இருகூர் அரசு பள்ளி முதலிடம்
ADDED : ஆக 01, 2024 01:47 AM
கோவை : பள்ளிகளுக்கு இடையேயான வாலிபால் போட்டியின் மாணவியர் பிரிவில், இருகூர் அரசு பள்ளி அணி முதலிடம் பிடித்தது.
ஸ்ரீ ராமகிருஷ்ணா கலை அறிவியல் கல்லுாரி சார்பில், 'ராமகிருஷ்ணா கலை அறிவியல் கல்லுாரி கோப்பைக்கான' 4ம் ஆண்டு மாவட்ட அளவிலான வாலிபால் போட்டி, நவ இந்தியா ராமகிருஷ்ணா கல்லுாரி வளாகத்தில் நடந்தது.
இப்போட்டியில் 30க்கும் மேற்பட்ட அணிகள் பங்கேற்று, நாக் அவுட் மற்றும் லீக் முறைப்படி போட்டியிட்டன. இதன் மாணவியர் பிரிவில், 15க்கும் மேற்பட்ட அணிகள் பங்கேற்றன.
மாணவியர் பிரிவு லீக் சுற்றில், ஒவ்வொரு அணியும் தலா மூன்று போட்டிகளில் போட்டியிட்டன. அதில் இருகூர் அரசு பள்ளி அணி, ஏ.பி.சி., பள்ளி அணி முதல் இரண்டு போட்டிகளில் வெற்றி பெற்றன.
தொடர்ந்து, ஏ.பி.சி., மற்றும் இருகூர் அரசு பள்ளி அணிகள் மோதிய போட்டி, பரபரப்பாக நடந்தது. இதில் இருகூர் அரசு பள்ளி மாணவியர், 2 - 0 என்ற செட் கணக்கில் ஏ.பி.சி., அணியை வீழ்த்தி கோப்பையை தட்டிச்சென்றனர்.
மூன்றாம் இடத்தை, அகர்வால் பள்ளி அணி பிடித்தது. வெற்றி பெற்ற மாணவியருக்கு கோப்பை, பதக்கம் உள்ளிட்டவை பரிசாக வழங்கப்பட்டன.