நிலவேம்பு கஷாயம் கொடுங்க!

சமூக ஆர்வலர் காந்திபூபதி, சப் - கலெக்டர் அலுவலகத்தில் மனு கொடுக்க வந்த மக்களுக்கு நிலவேம்பு கஷாயம் வழங்கினார். அதன்பின், அவர் கொடுத்த மனுவில், 'பொள்ளாச்சி பகுதியில் பருவமழை பெய்து வருகிறது. இதனால், ஆற்றில் நீரின் நிறம் மாறி, செம்மண் கலந்த சிவப்பு நிறமாக உள்ளது.இதனால், தொற்று நோய் ஏற்பட வாய்ப்புள்ளது. குடியிருப்பு பகுதியில் தேங்கி நிற்கும் மழைநீரால் கொசுத்தொல்லையும் அதிகம் உள்ளது. எனவே, பொதுமக்கள் நலன் கருதி, ஊராட்சி, பேரூராட்சி, அரசு மருத்துவமனைகள், பள்ளிகள் என அனைத்து இடங்களிலும் நிலவேம்பு கஷாயம் வழங்க நடவடிக்கை எடுக்க வேண்டும்,' என, வலியுறுத்தியுள்ளார்.