கோவை;கோவை மாவட்டத்தில் உள்ள நீர் நிலைகளில் படிந்துள்ள மண்/ வண்டல் மண்ணை விவசாய பணிக்காக, அனுமதி பெற்று விவசாயிகள் இலவசமாக எடுத்துச் செல்லலாம்.

கோவை மாவட்டத்தில் உள்ள, 83 நீர் நிலைகளில் இருந்து விவசாய பயன்பாட்டுக்காக மண்/ வண்டல் மண்ணை இலவசமாக எடுத்துச் செல்ல, சம்பந்தப்பட்ட தாசில்தார்களிடம், உரிய ஆவணங்களுடன் விவசாயிகள் விண்ணப்பிக்க வேண்டும்.

விண்ணப்பங்கள் பரிசீலிக்கப்பட்டு, தகுதி அடிப்படையில், விவசாய நில மேம்பாட்டு பணிக்காக வண்டல் மண் எடுத்துக் கொள்ள அனுமதி தரப்படும் என, கலெக்டர் கிராந்திகுமார் தெரிவித்துள்ளார்.