கோவை : கோவை மாவட்ட பூப்பந்து சப்-ஜூனியர் அணிக்கான தேர்வு வரும், ஆக., 4ம் தேதி நடக்கிறது.

கோவை மாவட்ட பூப்பந்தாட்ட சங்கம் சார்பில், 16 வயதுக்கு உட்பட்ட மாணவ - மாணவியருக்காக மாவட்ட அணி தேர்வு, நேரு ஸ்டேடியம் எதிரில் உள்ள மாநகராட்சி பூப்பந்தாட்ட மைதானத்தில் நடத்தப்படுகிறது. இதில் 2.1.2009க்கு பின்னர் பிறந்த கோவையை சேர்ந்த மாணவ - மாணவியர் பங்கேற்கலாம்.

இதில் பங்கேற்று தேர்வாகும் மாணவர்களுக்கு சிறப்பு பயிற்சி அளிக்கப்பட்டு, தஞ்சாவூரில் நடக்கவுள்ள 43வது தமிழ்நாடு மாநில பூப்பந்து போட்டியில் கோவை சார்பில் பங்கேற்பர்.

இத்தேர்வு போட்டியில் பங்கேற்க அனுமதி கட்டணம் இல்லை. பங்கேற்க விரும்புவோர் 98431 43210 என்ற எண்ணில் தொடர்பு கொள்ளலாம்.