கோவை: கோவை ரயில்வே யார்டில் இன்ஜினியரிங் பணிகள் நடப்பதால், கோவை வரும் ரயில்கள் இயக்கத்தில் மாற்றம் செய்யப்பட்டுள்ளது.

சொரனுார் -- கோவை ரயில் (06458) காலை 11:10 மணிக்கு கோவை வந்தடையும் இந்த ரயில் 7, 10 மற்றும் 12 ம் தேதிகளில் போத்தனுாரில் நிறுத்தப்படுகிறது. கோவை ரயில்வே ஸ்டேஷன் செல்லாது.

கோவை ரயில்வே ஸ்டேஷனில் இருந்து புறப்படும் கோவை -- சொரனுார் ரயில், (06459) 7, 10 மற்றும் 12 தேதிகளில் போத்தனுார் ரயில்வே ஸ்டேஷனில் இருந்து, மாலை 4:41 மணிக்குப் புறப்பட்டு சொரனுார் செல்லும் என, தெற்கு ரயில்வே(சேலம் கோட்டம்) வெளியிட்டுள்ள அறிவிப்பில் கூறப்பட்டுள்ளது.