'வரும் ஆண்டும் தொடர வேண்டும்'

போட்டியில் பங்கேற்ற தருண் வைபவ் கூறுகையில், ''இந்த கோடை விடுமுறையில் ஓவிய பயிற்சி பெற்றது மனதுக்கு மகிழ்ச்சி அளிக்கிறது. வரும் ஆண்டும் இந்நிகழ்ச்சி தொடர வேண்டும். அதில் பங்கேற்க ஆவலாக உள்ளேன்,'' என்றார்.இல்லத்தரசி ரம்யா கூறுகையில், ''இந்த ஓவிய பயிற்சி, எனக்குள் இருக்கும் ஓவிய ஆர்வத்தையும், திறமையையும் வெளிப்படுத்தியது. இதில் பங்கேற்றது மகிழ்ச்சி தருகிறது. பயிற்சி, எனக்குள் புதிய உத்வேகத்தை ஏற்படுத்தியுள்ளது,'' என்றார்.இல்லத்தரசி சத்தியபிரியா கூறுகையில், ''தினமலர் நாளிதழ் நடத்திய ஓவிய பயிற்சியில், நண்பர்களுடன் கலந்து கொண்டதால், மனது லேசாக இருக்கிறது. அதோடு, ஓவியம் வரைவதில் ஈடுபாடும் அதிகரித்துள்ளது.பள்ளி மாணவி தீக் ஷிதா கூறுகையில், ''ஓவியம் வரைதல், ஆபரணம் தயாரிக்க பயிற்சியாளர்களும், பொறுமையாகவும், எளிமையாக பயிற்சி கொடுத்தனர். இதனால், எங்கள் கோடை விடுமுறை பயனுள்ளதாக அமைந்துள்ளது,'' என்றார்.இல்லத்தரசி பூர்ணிமா கூறுகையில், ''தினமலர் நடத்திய ஓவிய பயிற்சியால், நாங்கள் மீண்டும் பள்ளி பருவத்திற்கு சென்றது போல மகிழ்ச்சியாக உள்ளது. வீட்டில் இருக்கும் எங்களுக்கு, ஒரு பொழுதுபோக்காகவும், மன அழுத்தத்தை போக்கும் விதமாகவும் பயிற்சி அமைந்துள்ளது,'' என்றார்.பள்ளி மாணவி அகமியா கூறுகையில், ''கோடை விடுமுறையில், வெறும் பொழுதை மட்டும் கழித்து மீண்டும் பள்ளிக்கு சென்றதாக இல்லாமல், வாழ்க்கைக்கு பயனுள்ள வகையில், ஓவியம் மற்றும் ஆபரண தயாரிப்பு பயிற்சி இருந்தது. புதியதாக ஒன்றை கற்றுக் கொண்டதால், என்னுள் புத்துணர்வு ஏற்பட்டது போல உள்ளது,'' என்றார்.