உலகிலேயே இரண்டாவது நீளமான கடற்கரை மெரினா. சுற்றுலா தலமான இங்கு, உள்ளூர் மட்டுமின்றி வெளியூர்களில் இருந்தும் ஆயிரக்கணக்கானோர் வந்து செல்கின்றனர். இங்கு விற்பனை செய்யப்படும் தின்பண்டங்கள் சுகாதாரமற்ற எண்ணெயில் தயாரிக்கப்படுவதாக கூறப்படுகிறது. முன்பெல்லாம், மாதத்திற்கு ஒருமுறை ஐந்து மண்டல சுகாதார ஆய்வாளர்கள் ஆய்வு மேற்கொள்வர். அப்போது சுகாதாரமற்ற எண்ணெய்களை பறிமுதல் செய்து, குழி தோண்டி ஊற்றி அழித்து விடுவர். மேலும், சம்பந்தப்பட்ட கடை உரிமையாளருக்கு அபராதம் விதிப்பர். ஆனால், தற்போது எவ்வித நடவடிக்கையும் சுகாதார ஆய்வாளர்கள் எடுப்பதில்லை.