சென்னை, மாநில அளவில் நடக்கும் சீனியர் வாலிபால் போட்டியின் மகளிர் பிரிவில், எஸ்.ஆர்.எம்., மற்றும் சிவந்தி அணிகள் அரையிறுதிக்கு தகுதி பெற்றன.

தமிழக வாலிபால் சங்கம் சார்பில், மாநில அளவிலான சீனியர் வீரர் மற்றும் வீராங்கனையருக்கு, 71வது வாலிபால் சாம்பியன்ஷிப் போட்டி தொடர், சென்னையில் நடக்கிறது. இதில், 24 அணிகள் மோதுகின்றன. இதன் மகளிர் பிரிவு காலிறுதி போட்டி, நேற்று முன்தினம் நடந்தது.

இதன் முதல் காலிறுதி போட்டியில், எஸ்.ஆர்.எம்., அணி, பனிமலர் கிளப் அணியை எதிர்கொண்டது. இதில், எஸ்.ஆர்.எம்., அணி, 25 - 15, 25 - 15, 25 - 18 என்ற செட் கணக்கில் வென்று, அரையிறுதி போட்டிக்கு தகுதி பெற்றது.

அடுத்து நடந்த போட்டியில், சிவந்தி கிளப் அணி, தமிழ்நாடு போலீஸ் அணியை எதிர்த்து மோதியது. அதில், சிவந்தி கிளப் அணி, 25 - 23, 25 - 15, 25 - 21 என்ற செட் கணக்கில் வென்று, அரையிறுதி போட்டிக்கு முன்னேறியது.