சென்னை, சென்னையில், அண்ணா சாலை உள்ளிட்ட பல பிரதான சாலைகளில், ஆங்காங்கே யு - டர்ன் வழங்கப்பட்டு உள்ளது. இரவு நேரத்தில் வாகன ஓட்டிகள், யு - டர்ன் இருப்பதை அறியாமல், வாகன ஓட்டிகள் விபத்தில் சிக்கினர்.

இதையடுத்து போக்குவரத்து போலீஸ் அதிகாரிகள், எங்கெல்லாம் யு - டர்ன் அமைக்கப்பட்டுள்ளதோ, அங்கெல்லாம் சோலார் எனும் சூரிய சக்தி வாயிலாக இயங்கக்கூடிய எல்.இ.டி., விளக்குகள் உடைய கம்பங்களை அமைத்து வருகின்றனர்.

இதுகுறித்து, போலீஸ் அதிகாரிகள் கூறுகையில், 'முதற்கட்டமாக, 8.5 லட்சம் ரூபாய் செலவில், 13 இடங்களில் சோலார் வாயிலாக இயங்கக்கூடிய எல்.இ.டி., விளக்குகள், கம்பங்கள் அமைக்கப்பட்டுள்ளன. விரைவில், மற்ற இடங்களிலும் அமைப்பதற்கான நடவடிக்கை எடுக்கப்படும்'' என்றனர்.