பெரும்பாக்கம், ஒடிசாவைச் சேர்ந்தவர் சுனில் ரூட், 28; தனியார் நிறுவன காவலாளி. இவர், வேளச்சேரி அடுத்த பெரும்பாக்கம், எழில் நகரில் தங்கி இருந்தார்.

நேற்று மாலை, சட்டையை 'அயர்ன்' செய்து கொண்டிருந்தார். அப்போது, அயன் பாக்ஸ் ஒயரில் மின் கசிவு ஏற்பட்டு, மின்சாரம் பாய்ந்து மயங்கி விழுந்தார்.

இதை பார்த்த அவரது உறவினர்கள், ஆம்புலன்ஸுக்கு தகவல் கொடுத்தனர். அவர்கள் வந்து சோதித்ததில், இறந்தது தெரியவந்தது. இது குறித்து விசாரித்த போலீசார், உடலை கைப்பற்றி பிரேத பரிசோதனைக்காக, குரோம்பேட்டை அரசு மருத்துவமனைக்கு அனுப்பி வைத்து விசாரிக்கின்றனர்.