மாநகராட்சிக்கு வருவாய் இல்லை

அகில இந்திய பாதசாரி பயனாளிகள் அறக்கட்டளை நிறுவனர் ஜெ.சதீஷ் கூறியதாவது: விளம்பர பதாகைகள், பலகைகள் அமைப்பதன் வாயிலாக, மாநகராட்சிக்கு பெரிய அளவிலான வருவாய் கிடைக்கப் போவதில்லை. ஆண்டுக்கு, 6,000 ரூபாய் மட்டுமே அனுமதி கட்டணம் கிடைக்கும். அதேநேரம், அந்த விளம்பர பதாகைகள், பலகைகளால், யாரோ ஒரு தனிநபர் பயனடைய உள்ளார்.
அதற்காக, பல கோடி ரூபாய் மாநகராட்சி அதிகாரிகளுக்கு லஞ்சமாக கொடுக்கப்பட உள்ளது. தேசிய, மாநில நெடுஞ்சாலைகள், முக்கிய பேருந்து தட சாலைகளில் ராட்சத விளம்பர பதாகைகள், பலகைகள் அமைக்கப்பட்டுள்ளன.இவற்றில் உள்ள விளம்பரங்கள், வாகன ஓட்டிகளின் கவனத்தை ஈர்க்கும் வகையில் உள்ளன. இதனால், வாகன ஓட்டிகள் விபத்தில் சிக்கி வருகின்றனர்.மும்பையில் சமீபத்தில் ராட்சத விளம்பர பதாகை சரிந்து விழுந்து, 14 பேர் உயிரிழந்தனர்.
இதுபோன்ற நிலை, சென்னையிலும் ஏற்படலாம். அவ்வாறு உயிரிழப்பவர்களுக்கு, 2 லட்சம் ரூபாய் அரசு நிதியுதவி வழங்கலாம். ஒருவரை மட்டும் நம்பி உள்ள குடும்பத்தில், அவர் உயிரிழந்தால், மற்ற அனைவரின் வாழ்வாதாரமும் பாதிக்கப்படும். எனவே, விளம்பர பதாகைகளால் உயிரிழந்தால், அக்குடும்பத்திற்கு 10 கோடி ரூபாய் தர வேண்டும் என, விளம்பர நிறுவனங்களுக்கு நிபந்தனை விதிக்க வேண்டும்.இவ்வாறு அவர் கூறினார்.